د حضرت عبدالله بن عمر رضی الله عنه دسلام کولو واقعه 

تعلیم الاسلام ویب پاڼه

حضر طفيل رضی الله عنه  وایی چې زه به زیاتره د حضرت عبدالله بن عمر رضی الله عنه څه په خدمت کې حاضریدم او له هغه سره به بازار ته تلم نو کله به چې مونږ دواړه بازار ته ولاړو نو حضرت عبدالله بن عمر رضی الله عنه به چې د هر چا تر څنګ تیریده هغه ته به يې سلام کاوه، هغه به د لږې سودا والا دکاندار و او د زیاتی سودا دکاندار به و او که کوم غريب او مسکین به و، هغه به ورته ضرور سلام کاوه، يوه ورځ زه د هغه خدمت ته راغلم نو هغه راته وویل زه چې بازار ته ځو، ما ورته وویل: محترما، بازار ته چې لاړسو څه به وکړو تاسي خو نه د کومې سودا د اخیستو لپاره دریږی نه د کوم مال په باب معلومات کوی نه د نرخ او قیمت معلومات کوی، نه د بازار په مجلسونو کې کیښنۍ، راځی همدلته کینو او يو څه خبری اتری وکړو، حضرت راته وویل، ای ابو بطن (د ګیډی پلاره ) موږ خو یوازی د سلام کولو په غرض بازار ته ځو چې څوک په مخ راسي هغه ته سلام وکړو (موطا امام مالک)

ماخذ : په اسلام کي د ژوندانه آداب