تازه سرليکونه
د (نکاح) نورې ليکنې
تازه سرليکونه
بېلابېلې ليکنې
د ظهار پېژندل
 
  November 14, 2013
  0
 ظِهَار د اسلام څخه وړاندي د جاهلیت په زمانه کي د طلاق یو ډول وو .

د جاهلیت په دور کي ، که چا خپلي ښځي ته ویلي وای چي ، انتِ علی کظهر امي ، ته پر ما داسي حرامه یې لکه زما د مور شا ، په دې وینا ښځه پر طلاقه کېدله او دا ډول وینا د طلاق د پاره رواج درلودی .

د اسلام په دین کي دا د جاهلیت د زماني رواج له منځ څخه ولاړ ، که څوک خپلي ښځي ته ووايي : انتِ علی کظهر امي ، طلاق نه په واقع کيږي البته په دا ډول وینا لنډ مهاله حرمت راځي .

 که څوک خپلي ښځي ته ووایي : انتِ علی کظهر امي ، ته پر ما داسي حرامه یې لکه زما د مور شا ، نو دا ظِهَار بلل کیږي ، تر هغه مهاله چي د ظِهَار کفاره یې ادا کړې نه وي دا سړی د خپلي ښځي سره هیڅ ډول نژدېکت نسي کولای .
د مور څخه علاوه د بلي دا ډول ښځي سره په تشبیه ورکولو هم ظِهَار راځي چي هغه د تل د پاره پر سړي حرامه وي ، لکه خور ، لور او خاله .

د بېلګي په ډول که څوک خپلي ښځي ته ووایي : انتِ علی کظهر اختي ، په دې ډول وینا هم ظِهَار راځي .

دغه ډول که د ظَهر یعني د ملا پر ځای د نس ، ورانه او بل اندام سره چي د هغه لیدل ورته حرام وي تشبیه ورکړي هم ظِهَار راځي مثلا : انتِ علی کبطني امي ، ورته ووایي په دې سره هم ظِهَار واقع کيږي .

د ظهار حکم
   په ظِهَار طلاق نه واقع کیږي بلکي د لنډي مدې د پاره ښځه پر حرامیږي .

 مُظَاهِر یعني ظِهَار کونکى چي د ظِهَار کفاره ورکړي بیا دا حرمت پورته کیږي ، د ښځي څخه د پخوا په شان خپل جنسي حاجت پوره کولای سي ، خو تر څو چي د ظِهَار کفاره یې ادا کړې نه وي تر هغه مهاله نه جماع ورسره کولای سي او نه یې مچول يا په مزه لاس پر تېرول ورته جائز دي .

د کفارې تر ادایني دمخه به ښځه هم خپل مېړه ځان ته نه پرېږدي .

که مېړه د ظِهَار د کفارې په اداینه کي ځنډ راوستی قاضي کولای سي چي د ښځي څخه د ضرر د دفعي د پاره د هغې د غوښتني پر اساس مېړه د کفارې و ادایني ته اړ باسي . 

ماخذ: فقه المبتدي، دوهم ټوک- نکاح
مؤلف: مولوي محمد عمر خطابي
 
 
تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته