لیکنه: مولوي نورالحق مظهري/ تعلیم الاسلام ویب پاڼه
د ډېر خوراک ځيني تاوانونه
قال عمر رضي الله عنه: من كثر أكله لم يجد لذكر الله لذة.[الحلم لإبن أبي الدنيا]
قال بعض الحكماء: إن كنت بَطِنًا فعد نفسك زَمِنًا.[الجوع لإبن أبي الدنيا]
قال بعض الحكماء: أقلل طعامًا تحمدْ منامًا.[مجمع الأمثال]
ژباړه: عمر رضي الله عنه فرمايي: د چا چي خوراک ډېر سو هغه د الله د ذکر په خوند باندي نه پوهيږي.
ځينو حکماؤ فرمايلي دي: که د خوراک له کبله ستا نس غټ وو يعني ډېر خوراک دي کوی؛ نو خپل ځان فلج وشمېره يعني يا به فلج کيږي او يا به هم داسي يې لکه فلج ځکه فلج انسان کارونه او عبادت سم نسي کولای نو ته يې هم سم نسې کولای.
ځينو حکماؤ ويلي دي: لږ خوراک کوه چي په خوب کي هم حمد او ثناء ووايې.
يعني د لږ خوراک په کولو باندي انسان د ټمبلۍ څخه ساتل کيږي، زړه، حواس او فکر يې حتی په خوب کي هم خپل واک او حس له لاسه نه ورکوي؛ نو چي کله ويده سي خوب به يې هم داسي وي لکه عبادت؛ بد خوبونه به نه ويني، عبادت ته به ژر را ولاړيږي او د خوب له وجهي به يې په عبادت کي ځنډ او خنډ نه راځي.
www.taleemulislam.net
