تازه سرليکونه
د (نکاح) نورې ليکنې
تازه سرليکونه
بېلابېلې ليکنې
د نفقې مسولين
  تعلیم الاسلام ویب پاڼه
  February 8, 2022
  0
د ښځي نفقه يوازي او يوازي پر مېړه لازمه ده او د ښځي چي خاوند ژوندى وي د نفقې مسؤليت يې د مېړه څخه پرته بل چا ته نه راجع کيږي .
 
همدا راز د نابالغه نارينه او ښځينه اولادونو نفقه هم يوازي او يوازي پر پلار لازمه ده ، د پلار په موجوديت کي يې بل څوک د نفقې مسؤليت پر غاړه نه لري .
 
مور او پلار  که فقيران او اړ وي نو د هغوى نفقه پر زامنو لازمه ده ، دغه ډول نيکه ګان او اناګاني که فقيران او اړ وه او زامن يې نه درلودل نو د هغوى نفقه پر لمسيانو لازمه ده .
 
د مور او د پلار د نفقې مسؤليت يوازي زامنو ته راجع کيږي ، که څوک فقير وي ، پلار او زامن ولري او هغوى شتمن وي نو نفقه يې پر زامنو لازميږي .
 
د بالغي ناواده سوي لور نفقه او همدا ډول د هغه زوى نفقه چي هغه زَمِن وي يعني د بدن ځيني غړي يې د کار څخه وتلي يا پرې سوي وي پر مور او پلار لازمه ده ، البته د نفقې دوې برخي يې پر پلار لازميږي او يوه برخه يې پر مور لازميږي .
 
خو که مور او پلار يې خپله اړ او فقيران وه نو بيا يې مور او پلار د نفقې مسؤليت پر غاړه نه لري .
 
يتيم يعني نابالغه بې پلاره ماشوم که فقير وو نفقه يې پر ذي رحم مَحرَم باندي د ميراث په اندازه واجب کيږي ، ذي رحم مَحرَم هغه نَسَبِي خپل ته وايي چي هيڅکله يې تر منځ نکاح نه صحيح کيږي ، يعني هر خپلوي لرونکى مَحرَم چي د بې پلاره ماشوم د ميراث د څوومي برخي مستحق ګڼل کيږي د ده د نفقې هغونه برخه پر هغه باندي واجبيږي . 
 
دغه ډول بالغه ښځه چي فقيره وي او مېړه او زامن هم و نه لري نو د دې نفقه هم پر ذي رحم مَحرَم باندي د ميراث د ونډي په اندازه لازميږي .
 
ښځه ، مور ، پلار ، نيکه ګان ، اناګاني ، زامن ، لوڼي او د زامنو او د لوڼو اولادونه که څه هم مسلمانان نه وي بيا يې هم نفقه پر سړي لازميږي ، البته د پورتنيو خپلوانو څخه ماسيوا نور خپلوان که مسلمانان نه وي ، د بل دين پېروان وي د هغوى نفقه پر چا نه لازميږي .
 
ماخذ: فقه المبتدي، دوهم ټوک- نکاح
مؤلف: مولوي محمد عمر خطابي
تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته