تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
د سترګو عبادت
 
  February 21, 2017
  0
رالېږونکی: احمدجنید مبارز / تعلیم الاسلام ویب پاڼه

واجـب کـــتل : لکه مصحف (قران الکریم ) او علمي کتابونو ته کتل په تېره بیا هغه وخت چي د مطالبو پوهېدل یې واجب وي ، هغه شی چي کارول کیږي د هغو د حلال او حرامو د جوتولو لپاره کتل یا د سپارل سوو ( امانت ) تشخیصول چي څښتنانو ته یې باید بیرته ور کړل سي دا هغه شیان دي چي د لیدو غوښتنه کوي.

حــرام کــتل : نامحرمو ته د شهوت له مخي کتل ، مګر دا چي اړتیا غوښتنه وکړي ، لکه د هغه کس لیدل چي د شهادت یا قضاوت په حالت کي وي یا د ډاکټر کتل .
 
مســتحب کـــتل : لکه دیني او علمي کتابونه لوستل چي د انسان د ایمان او دیني پوهي د زیاتوالي لامل ګرځي ، قران او د صالح پوهانو مخ ته کتل ، پلار او مور ته کتل همدا رنګه د الله تعالی د قدرت مشهودو نښو ته کتل ، توحید ، معرفت او حکمت ته د لارښووني په موخه.

 مــکـروه کـــتل : هره کتنه چي مصلحت پکښي نه وي ، ځکه چي کتل هم د ژبي په څېر د بې ارزښته او زایدو برخو درلودنکې ده چي کېدای سي په مفاسدو ولګیږي.

 مــباح کـــتل : هغه کتل دي چي په حال یا راتلونکي کي ګټه او زیان ونه لري.

ماخذ: په اسلام کي د عباداتو فلسفه . مؤلف : عبدالواحد جهید 
 

سرته