لیکنه: جاوید احمد ادبیار/ تعلیم الاسلام ویب پاڼه 

ايا غربي هیوادونه د استوګني لپاره مناسب دي؟

دا چي ما د کاناډا هیواد د نژدې څېړلی دی، نو به لومړی د کاناډا هیواد په اړه بحث وکړو.

لومړی - تعلیمي برخه: زه به تر هرڅه مخکي دا یوه خبره درته واضح کړم؛ په کاناډا کي د ماشوم ازادي هیڅ حدود او چوکاټ نه لري. مثلاً یو نارینه ماشوم په ښوونځی کي ښوونکي ته ووايي چي زه باید هلک نه وای پیدا سوی، زه باید نجلۍ پیدا سوې وای؛ ښوونکۍ یې د مور او پلار بې اجازې ډاکټرانو ته معرفي کوي تر څو سرجري یې وکړي او د نارینه څخه یې ښځينه ته واړوي.

همداسي هیڅکله ماشوم ته والدین نه سي دردېدلای هغه که پر لمانځه، اخلاقو، روژې، قران کریم او حتی دیني مقدساتو هم وي چي زړه یې غواړي هغه به کوي څوک به هیڅ هم نه ورته وايي او کله چي ماشوم ښوونځی ته ولاړ سي نو هلته ښوونکۍ د هر ماشوم په ذهن کي دا ثبتوي چي که مو والدين درته په قهر خبره وکړه یایې لاس درباندي پورته کړی تاسو 911 ته زنګ ووهی پولیس به ستاسو د مرستي لپاره ژر حاضر سي.

د ښوونځۍ د څلورم صنف څخه د نارینه او ښځینه د اړيکو جوړولو افکار ورکوي چي د همدې لړۍ په نورو ليکنو کي به زه د دوهم صنف څخه تر لسم صنف پوري د زده کوونکو د سترګو لیدلي حالاتو بیانونه درته راوړم.

په ښونځۍ کي د نشې کولو لپاره ځانګړۍ ځای لري تر څو هیڅ څوک ورته خنډ نه سي؛ همدې کار ته هم د ماشوم ازادي وايي.

د همدې ټولو بدبختیو سره سره که کوم چا خپل اولاد د ښوونځۍ څخه راګرځوی، یا یې د اولاد د نامشروع غوښتنو ممانعت وکړی، یا يې پر اولاد لاس پورته کړی؛ نو پولیس همدا اولاد ورڅخه بیایي تر اتلس کلنۍ پوري یې بيا نه ورکوي هلته نو که نشه یي، سو، که غل سو، که هره بلا ورڅخه جوړه سوه

نور بیا...