تازه سرليکونه
د (نبوي سیرت) نورې ليکنې
تازه سرليکونه
بېلابېلې ليکنې
نبوي سيرت:خاصه خبرتيا، يا تنبـيه
  تعليم الاسلام ويب پاڼه
  July 4, 2020
  0

نبوي سیرت (۹۹ برخه)

 

لیکنه: مولوي عنایت الله علمي / تعلیم الاسلام ویب پاڼه

 

خاصه خبرتيا،  يا تنبـيه

 

د رسول الله صلی الله علیه وسلم  د والدينو په باره کي د اسلامي علماوو اقوال ډير فرق سره لري، ځينو د دې دپاره چي د دوى ايمان او نجات ثابت کړي  خاصي رسالې ليکلي دي او ځينو د حديثو شرحه کونکو محدثانه او متکلمانه بحثونه کړي دي، خو د احتياط او سلامتۍ ښه او بهتره لار دا ده: چي په دغه مسئله کي څوک چپ پاته سي او په داسي دقيقو  بحثو کي د څېړنو څخه ځان وساتي، د داسي مسائلو حقيقت يواځي الله جل جلاله  ته معلوم دى او هغه عادل رب په ښه ډول سره د ټولو موضوعاتو فيصله کونکى دى.

 

وروڼو! د ابوطالب د ايمان په متعلق دغه لاندني معلومات په صحي احاديثو کي راغلي دي، امام بخاري د ابي سعيد الخدري رضی الله عنه څخه روايت کوي چي وايي: 


يو وخت د رسول الله صلی الله علیه وسلم  اکا ابوطالب د ده صلی الله علیه وسلم په حضور کي ياد کړل سو، رسول الله صلی الله علیه وسلم  و فرمايل: ښايي و ده  ته د قيامت په ورځ زما شفاعت دا نفعه ورسوي چي د اور په څنډه کي به وي، چي اور به  يې تر بجلکو پوري رسيږي.


 بيا هم په صحي حديث کي راغلي دي چي حضرت عباس بن عبدالمطلب رضی الله عنه  و رسول الله صلی الله علیه وسلم  ته و ويل: و اکا ته به دي څه فايده ورسيږي؟ هغه ستا ساتنه کول او ستا په سبب په قهرکېدى (مقصد يې ابوطالب ؤ)  رسول الله صلی الله علیه وسلم  و فرمايل: هغه د اور په څنډه کي دى، که زه نه واى د اور په هغه کښته طبقه کي به واى. 

 

خو بيا هم په تکرار سره وايم: زيات تر دغه د ابوطالب پر کفر او ايمان بحث کول غيرِ ضروري موضوع ده، ښه به دا وي چي د داسي غير ضروري او خطراتو ډکو موضوعاتو په باره کي څوک چپ پاته سي چي د ګټي پر ځاى تاوان ورته پېښ نه سي، ابوطالب هغه څوک ؤ چي د اسلامي دعوت او رسول الله صلی الله علیه وسلم  دپاره مظبوطه قلا وه، اسلام او مسلمانان يې د قريشو د مشرانو او بېباکانو د تعارض څخه ساتلي وه.


ابوطالب خپل ټول قوت او شرف د دې دپاره استعمالول چي رسول الله صلی الله علیه وسلم  او د ده ملګري د مشرک قریشو د شر او آزارو څخه وساتي. 


ان شاءالله نور بیا....

 

ماخذ: د سرورِ کائنات صلی الله علیه وسلم ژوند

 

www.taleemulislam.net

سرته