لیکنه: غونچه ګل ارمان 

نوميالی هندي عالم، سيد ابوالحسن علي ندوی رحمه الله په خپل کتاب "مسلم ممالک میں اسلامیت اور مغربیت کی کشمکش" کې د لويديز تمدن پر وړاندې د اسلامي نړۍ دريځ په درېوو ډولونو ويشي:

۱- هغه چې لويديز تمدن په پټو سترګو ردوي. 
۲- هغه چې لويديز تمدن په پټو سترګو مني. 
۳- هغه چې د لويديز تمدن ښه اخلي، او بد يې پريږدي. 

------
 که زمونږ تېرې پېړۍ او ان اوسنۍ پېړۍ ته وګورو، اسلامي نړۍ د لومړي او دوهم دريځ د خپلمينځي ټکر شاهده وه او ده. که غواړو چې د دغو دوو افراطي نظرونو تر مينځ انډول رامينځ ته کړو، هم مسلمان پاتې شو، او هم پر مخ لاړ شو، ولس بايد په درېيم دريځ وروزو. په دې معنی چې د لويديز علم زده کړو او خامخا يې زده کړو، او فرهنګ يې پرېږدو او خامخا يې پرېږدو. د دغه کار اړتيا نن تر بل هر وخت زياته ليدل کيږي.

-------------------