لیکنه: مولوي محمد اکبر/  تععلیم الاسلام ویب پاڼه 

اسان فقهي اصطلاحات 

(دوهمه برخه) 

(ت)

تابعي: هغه چاته ویل کېږي، چي د ایمان په حالت کي يې صحابي لېدلی وي او بیا پر همدې ایمان وفات سوی وي لکه: امام ابوحنیفة رحمه الله.

تاویل: یو داسي لفظ چي د ډېرو معناوو احتمال لري او دهغوی څخه یوه معنی په غالب ګمان سره ترجیح ورکول نه په یقین سره تاویل بلل کېږی.

تبدیل: دیوه حکم پر ځای دشارع لخوا بل حکم کول نسخ بلل کېږي، لکه کورني خره چي د اسلام په شروع کي حلال وه وروسته ئې دحرمت حکم را نازل سو.

تبسم: بېله آوازه خندا تبسم بلل کېږي چي خپله یا دهغه نژدې ملګری وانه وري.

تبع تابعي: هغه چا ته ویل کېږي، چي د ایمان په حالت کي ئې تابعي لېدلی وي او بیا پرهمدې د ایمان په حالت کي وفات سوی وي، لکه: امام مالک او وکیع بن جراح.

تثویب: د آذان او اقامت تر منځ داعلان په ډول علي الصلاة یا په سیمیزه ژبه لمونځ کوو که خدای کول .

تجارت: یو شي په ګټه دخرڅولو له پاره یو شي رانیول.

تجمیر: د مړي چپرکټ او کفن په عطرو سره خوشبویه کول.

تجهیز: د مړي د آخرت د سفر له پاره اړین کارونه: غسل، تابوت، ښخول او نورو شیانو انتظام کول.

تجوید: هغه علم چي دقرآن کریم دحروفو وکلمو مخرجونه او صفات په مرعاتولو سره دتلاوت طریقه په کښي کي زده کېږي.

تحرَی: د دلیل نه شتون په صورت کي د زړه د رجحلن په وجه په پټو شیانو کي د دوو اړخونو څخه ښه او مناسب اړخ غوره کول؛ لکه: په سفر دقبلې لوری معلومول.

تحریمه: د لمانځه په شروع کي اول الله اکبر ویل چي تر دې وروسته دلمانځه منع سوي شیان (خوراک، چيښاک، بولې اونور) حرامېږي.
تحقیق: په دلیل سره یوه خبره ثابتول.

تحنیک: د خرما یا کوم بل شي یوه برخه ژول او د نوي پېدا سوي ماشوم په تالو یا خوله ور اچول.

تحیة المسجد: مسجد ته دننوتلو وروسته دمسجد داحترام په خاطر دوه رکعته لمونځ کول.

تحیة الوضوء: د اوداسه سمدستي وروسته دوه رکعته لمونځ کول.

تخصَر: په لمانځه کي پر شاه یا تشه باندي لاسونه نیول.

تداعي: په یو کار کي یو بل سره راغوښتل.

ترکه: هغه مال چي دانسان د مرګ وروسته پرېږدي یا په لنډو الفاظو میراث ته وايي.

ترجیع: د آذان شهادتین یو وار په لوړ او بل وار په ټیټ آواز سره ویل.

تطوَع: دفرضو او واجباتو پرته کوم کارونه چي په شریعت کي خوښ او ستایل سوي وي لکه:نفلي لمونځ او روژې.

تعزیر: دالله جل جلاله یا دبنده دحق پر بنسټ پر داسي کړنو چي په شریعت کي يې حد نه وي ټاکلی سزا ورکول لکه د درواغو شاهدي ورکول، د بيګانه ښځي څخه مچه اخیستل.

تعدیل الارکان: په قیامه او جلسه کي داسي کښینستل چي ټول اندامونه ئې خپل خپل ځای ته ورسېږي.

تعلیل: په نص کي راغلی حکم د علت پر بنسټ ټاکل.

تفویض: لغوي معني يې سپارل، ميړه یا بل چاته دخپلي ښځي د طلاق حق ور سپارل لکه: یو سړی چي خپلي ښځي ته ووایي ستا  کار ستا په لاس دی.

تقیَه: دخپل ځای دخلاصون په خاطر د زړه دخبری خلاف ښکاره کول.

تقلید: د دلیل پرته د یو داسي چا پېروي کول چي دهغه خبره خپله په دین کي حجت نه وي ددې ښه ګمان په وجه دده رایه منل کېږي، لکه: دڅلورو امامانو پېروان چي دخپلو امامانو پېروي کوي.

تصفیق: چکچکي کول کله چي ښځه لمونځ کوي او سړی يې مخ ته تېريږي؛ نو ښځي ته په کار ده چي چکچکي وکړي تر څو دی خبر کړی.
تمتع: حج او عمره په جلا جلا احرام سره کول.

تسنیم القبر: قبر د اوښ د بوک په ډول جوړول. ماهی پوشته کول.

توکیل: په یو جائز او روا او معلوم کار کي داختیار لروونکی لخوا بل څوک ځای ناستي ټاکل لکه: په نکاح او طلاق کي بل څوک وکیل ټاکل.

تیمم: په ځانګړې او خاصه طریقه د بې اودسي څخه ځان پاکول په خاوره یا هغه څه چي دخاورو دجنس څخه وي استعمالول.

نوربیا... 

www.taleemulislam.net