د (شعر او ادب) نورې ليکنې
تازه سرليکونه
بېلابېلې ليکنې
سترګي رغړي د طاقت لړۍ سي ختمه
سترګي رغړي د طاقت لړۍ سي ختمه
نوراحمد قران مل
سترګي رغړي د طاقت لړۍ سي ختمه
د اضعف د توان قدرت لړۍ سي ختمه
زمزمې وي هنګامې واړي خاموشي
د تحقیق او واقعیت لړۍ سي ختمه
زړونه راسي زړونه ورک پسي نیستي سي
د ادراک او بصارت لړۍ سي ختمه
معلی عرش هم د عجز سړ کي کښته
د تنویر او کدورت لړۍ سي ختمه
د فضا په توره غیږه کي سپین ستوري
د دوران د مسیرت لړۍ سي ختمه
ټول فان سي که بقا وي که فنا وي
بېله تا د ټول خلقت لړۍ سي ختمه
د لمن الیوم درم پرهرڅه خپور سي
هم د ناز او نزاکت لړۍ سي ختمه
درته خم سي چي خدایي یې وي کرلې
د ابلیس د شیطانت لړۍ سي ختمه
تک تنها دي پر هرڅه حکمراني وي
ستا په وړاندي بغاوت لړۍ سي ختمه
د توحید وحدت شهود ثبات ناره کړي
د توحید وجودیت لړۍ سي ختمه
باري ربه همدا اوس لا ترې راتیر سه
د قران مل د حیثیت لړۍ سي ختمه
www.taleemulislam.net
ورته ليکنې:
تبصره
