لمریز نظام

راليږونکی: سیف الله عاصم

لمريز نظام له لمر او ټولو آسماني سيارو څخه عبارت دي ، چي د لمر د جاذبې په ساحه کی د لمر پر شا وخوا تا ويرږي  دغه آسماني جسمونه دلمر برسیره له سيارو ، سپوږمۍ ، لکۍ لرونکو ستورو ، استروئيدونه او ميتو  رايتونه څخه تشکيل دي .

لمريز نظام د ملياردو کائناتو په پرتله ځمکي ته نږدې موقيعت لري . ځکه ځمکه د همدغي منظومې يوه برخه ده چي  د واټن لږ والي يې پوهانو ته دا زمينه برابره کړې ده چي دهغې په باره کي خورا ډېر معلومات تر لاسه کړي . لمريز نظام د جوړښت له پلوه د لمر او نورو آسماني جسمونو څخه جوړ سوی دي چي دلمر په مرکز او نور  آسماني جسمونه په ټاکلو مدارونو کي د هغې پر شاوخوا څرخيږي . له هغو ټولو  لويو آسماني مو جوداتو  څخه چي دلمر پر شاوخوا حرکت کوي دځمکي برسيره يوشمير سپوږمۍ ، لکۍ لرونکي ستوري ، زرګونه استرويدونه او ګڼ شمير ميتو رايتونه هم دلمر پر شاوخوا حرکت کوي .

د لمر پر شاوخوا د سیاراتو حرکت لاندي ځانګړ تياوي لري :

۱ : د سياراتو مدار د لمر پر شاوخوا دايرې ته ورته بیضوي شکله دي.

۲ : د سياراتو دمدار مستوي يو له بله سره ډېر لږ توپير لري.

۳ : د ټولو سياراتو تګ لوری د لمر پر شاوخوا  يو ډول  يعنی له لويديځ څخه د ختيځ په لوري دي .

په عمومي توګه که چيري دسياراتو حرکت  دلمر پر چاپيره د ليدلو وړ وای نو ممکنه وه چي موږ لمريز نظام د يوه ګروپ په څير چي بيضوي حلقو څخه چي د يوه لمريز مرکز بر شاوخوا په حرکت کي دي او پلوتو تر مدار پوري  به يې څلور مليارده ميله  پراختيا موندلې وای ليدلای موسو .

ـــــــــــــــــــــــــــــــــــــــــــــــ

مأخد تعليم الاسلام مجله 24 ګڼه