لیکنه: اسد الله انعام / تعلیم الاسلام ویب پاڼه
بالآخره كينه ګرو غربيانو درك كړه چي قرآن كريم، اسلامي خلافت، كعبه شريفه، نبوي مسجد او اسلامي جهاد هغه څه دي چي د مسلمانانو وحدت او قوت او عظمت يې ساتلى دى. په ځانګړې توګه خلافت د اسلامي امت په منځ کي هغه رڼه مناره ده چي د تورو شپو په تروږميو کي هم مسلمانانو ته د راټولېدو لاره ښيي.
او په دې سره سلا او يوه خوله سول، چي بايد لومړى د اسلامي امت دغه دنګه مناره ونړوي او مسلمانان په وژونكو تيارو کي تر خپل ګذار لاندي راولي. د خلافت د دغه دنګي منارې د نړولو پر پروسې د غربيانو درې پيړۍ ولګيدې. بالآخره په فلسطين کي د انګليسي قواوو له مسئول (اللنبي) سره د مصطفي كمال اتاترك - په فلسطين کي د اسلامي خلافت د څلورم ځواك قوماندان د خاينانه معاملې په پايله کي فلسطين سقوط وكړ او د انګليسانو په لاس پريوت.
اتاترك تركيې ته راوستل سو او په فلسطين کي استعمار ته د كړي خدمت به بدل کي ئې تركيه وروسپارله. په دي شرط چي په راتلونكي کي به د استعمار څلورو اساسي شرطونه پلي كوي. دا شرطونه عبارت دي له:
(۱) د اسلامي خلافت ړنګول.
(۲) د خلافت د احياء او اعادې لپاره د هر ډول خوځښت له منځه وړل.
(۳) د اسلامي قانون پر ځاى د اروپايي (سيكولر) قانون پلي كول.
(۴) او د اسلامي شعايرو پر ضد جګړه.
ماخذ: علمانیت یا سیکولرزم
