په کره توګه کار سر ته رسول عبادت دی

په ډېر حساس او باریک وخت کې یو میخ وخوت، د میخ په ختلو سره د آس نعل ولوید، د نعل په لویدلو سره د پیاوړي آس پښه ژوبله شوه او په ځمکه ولویدی، د آس په لویدلو سره د لښکر تورزن سپور هم ولویدی، د تورزن سپاره په لویدلو سره لوی لښکر مات شو، د لښکر په ماتي سره یو هیواد له منځه ولاړ، دا ټولې وړې او درنې ستونزې د هغه چا له لاسه پیښي شوې چې د آس پر نعل یې یو میخ سم نه و ټکوهلی، او خپل کار یې په کره توګه سرته نه و رسولی.

په کره توګه کار سر ته رسول عبادت ده. رسول الله صلی الله علیه وسلم فرمایي: بېشکه الله ستاسو له هغه کس سره مینه لري چې کله کوم کار کوي نو په کره او سمه توګه یې کوي . عن عائشة رضي الله تعالى عنها قالت: قال رسول الله صلى الله عليه وسلم ” إن الله يحب إذا عمل أحدكم عملاً أن يتقنه . رواه ابویعلی والطبراني