تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
حبل یعني رسۍ یا تناو !
 
  May 6, 2017
  0
وینا: مولوي عنایت الله علمي حفظه الله / تعلیم الاسلام ویب پاڼه
لیږونکی: احمد جنید مبارز

◀ تر ټولو ګټور تناو هغه تناو دی چي د هغه ماشوم په نُو پوري تړلۍ وي چي د مور په نس وي، ځکه ماشوم د دغه تناو د لاري خواړه خوري .

◀ تر ټولو بد تناو د اعدامولو تناو دی، چي د ساه کښلو لار بندوي .

◀ تر ټولو نری او نازک تناو، د فکرونو او چورتونو تناو دی، چي په یوه خبره سره شکیږي یا پرې کیږي .
 

◀ تر ټولو لنډ یا کوچنی تناو د درواغو تناو دی، ځکه چي له کومه ځایه شروع کیږي پر هم هغه ځای پای ته رسیږي، د درواغو مزل لنډ دی .

◀ تر ټولو نژدې تناو د غاړي رګ دی، الله جل جلاله فرمایي :
 
وَ نَحْنُ أَقْرَبُ أِلَيْهِ مِنْ حَبْلِ الْوَرِیْد . (الایة)
ژباړه : موږ دغه انسان ته د غاړي تر رګ نژدې یو . حبل ورید هغه د غاړي رګ دی چي زړه ته تللی دی .

◀ تر ټولو قوي ښه او ښایسته تناو، هغه تناو دی چي څوک د الله جل جلاله سره په تړلی وي، د هغه تناو په واسطه یې د الله جل جلاله سره تعلق پیدا کړی وي، الله جل جلاله فرمایي :  

وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا ۚ (الایة)
یعني: او تاسي ټوله د الله جل جلاله په کتاب او د رسول الله صلی الله علیه وسلم په لارښوونو پوري لاس ونیسئ، او داسي کار مه کوئ چي ستاسي د تفرقې یا جلا والي سبب وګرځي .

الهي موږ او ټول مسلمانان د هغو کسانو څخه وګرځوې، چي ستا په حق دین پوري یې لاسونه نیولي وي .امین
 
 

سرته