تازه سرليکونه
د (روغتيا پالنه) نورې ليکنې
تازه سرليکونه
بېلابېلې ليکنې
د کیلې د ارزښت په زړه پوري حقایق
  تعلیم الاسلام ویب پاڼه
  November 2, 2016
  0
لیکنه: ډاکټر محب الله علمیار / تعلیم الاسلام ویب پاڼه
 
که د یوې میاشتي لپاره دورځي دوې دانې کیلې وخورو په وجود کي به حیرانوونکي بدلونونه تجربه کړو!
 
کیله یوه داسي ښکلی میوه ده چي په کافي اندازه ویټامینونه ، منرالونه ، فایبر او طبیعي قندي مواد لکه سکروز او فرکتوز لرونکې ده، د غذایي موادو اړوند څیړونکي په دې اند دي که د یوې میاشتي لپاره هره ورځ دوې دانې کیلې وخوړل سي د انسان د روغتنیا په تامین کي به حیرانوونکي بدلونونه رامینځته سي چي په لاندي ډول دي:
 
 
۱. د معدې جوش: کیلې د طبیعي انتي اسید په ډول د هغه کسانو لپاره ډیري ګټوري دي چي د معدې له جوش څخه شکایت کوي، یوازي د یوې دانې کیلې په خوړلو سره د معدې جوش له مینځه ځي.
 
۲. د ویني د فشار کنترول:  کیلې په کمه اندازه سوډیم او په پراخه کچه پوتاسیوم لري چي دا دویني د فشار په کنترول او تنظیم او د زړه په روغ ساتلو کي خورا ستر رول لوبوي.
 
۳ .انرژي: له کار کولو څخه وړاندي د کیلې خوړل په وجود کي کافي انرژي تامینوي او ستاسو د کارکولو ځواک لوړوي.
 
۴.د معدې زخمونه: کیلې ښه او نرم ترکیب د انتي اسیدي ځانکړتیاوو د لرلو له امله د معدې د جدارونو په محافظه کي اغیزمن رول لري او د هغه د تخریش څخه مخنیوی کوي ځکه نو له یوې خوا د معدې د زخم د جوړیدو څخه مخنیوی کوي او له بلي خوا د هغه ناروغانو لپاره هم ګټور تمامیږي چي د معدې له زخم څخه ځوریږي.
 
۵.کمخوني: کیلې په خپل ترکیب کي په کافي اندازه اوسپنه لري، د هیموګلوبین د تولید په تنبیه کولو سره د کمخونۍ په له مینځه وړلو کي هم رول لري.
 
۶.ژورخفګان یا Depression: کیلې یوازنۍ میوه ده چي Tryphtophan لري نوموړې ماده په وجود کي په سیروتونین بدلیږي او سیروتونین په وجود کي د خوشحالۍ او آرامۍ احساس تقویه کوي او په دې ډول ژورخفګان له مینځه وړي.
 
-------------------------
هغه خواړه چي تاسو ځوان ساتي
د ویټامین ډي ګټي او د ناروغیو مخنیوی
د پښتورګو د حفاظت لپاره ۸ ارزښتمن ټکي
 

سرته