تازه سرليکونه
د (معاملات) نورې ليکنې
تازه سرليکونه
بېلابېلې ليکنې
د تړون کونکو شرطونه:
 
  December 24, 2015
  0
د تړون کونکو شرطونه:

د مُضَارَبَت د پاره يو شرط دا دى چي تړون کونکي يعني مالک او عامل به دواړه د توكَيْل يعني د وكَيْل ټاکلو او هم د وکالت وړتيا او اهليت لري .

د راس المال شرطونه:

لومړى : راس المال به نقدي پيسې وي ، مځکه او نور سامانونه د مُضَارَبَت راس المال نسي کېدلاى ، ځکه چي د هغو ارزښت نامعلوم دى.

البته که مالک مځکه يا نور سامانونه و مُضَارِب ته ورکړي او ورته ووايي : دا خرڅ کړه بيا يې پيسې په مُضَارَبَت واخله هلته بيا صحيح کيږي.

دوهم : د راس المال مقدار به معلوم او ټاکلى وي  که د راس المال مقدار نامعلوم وي نو ګټه يې هم بيا نامعلومه پاتيږي ، پداسي حال کي چي په مُضَارَبَت کي بايد د ګټي مقدار معلوم وي.

دريم : راس المال به حاضر وي ، پور او غايب مال په راس المال کي نه صحيح کيږي.

مثال : د زيد پر بکر دوه لکه افغانۍ باندي دي بکر ته ووايي : زما د پور پيسې په مضاربت واخله او کار په وکړه ، بکر په دوو لکو افغانيو د مُضَارَبَت د پاره موټر رانياوه نو دا موټر په مُضَارَبَت کي نه شمېرل کيږي.

په مخکني مثال کي د ابوحنيفه رحمه الله د اصل پر بنسټ موټر د بکر کيږي او د موټر ګټه او تاوان په بکر پوري اړه لري ، د زيد پور د پخوا په شان د بکر پر ذمه پاتيږي ، ځکه د ابوحنيفه رحمه الله په آند که د چا پر بل پور باندي وي او بيا هغه ته وکالت ورکړي چي زما په پور شى را رانيسه دا وکالت نه صحيح کيږي.

البته د ملګرو په آند دا ډول وکالت صحيح کيږي  په پورتني مثال کي د ملګرو د اصل پر بنسټ موټر د زيد کيږي ، ګټه او تاوان يې هم په زيد اړه لري ، ځکه بکر د زيد وكَيْل دى، د زيد په امر او د هغه په پيسو يې موټر رانياوه ، پدې سره مُضَارَبَت فاسديږي نو ځکه بکر د خپل کار په اندازه د اجورې مستحق ګرځي. 
 
که د زيد پر بکر پور باندي وي او خالد ته ووايي : زما پور د بکر څخه واخله ته په هغه مُضَارَبَت وکړه دلته بيا مُضَارَبَت صحيح کيږي.
 
دغه ډول که د چا پيسې بل ته د امانت په ډول پرتې وي هغه ته وايي : زما د امانت په پيسو مضاربت وکړه دا هم صحيح کيږي. 

 څلورم : راس المال به مُضَارِب ته سپارل کيږي څو هغه کار په وکړاى سي.


-------------------------------
اړونده ليکني:
 
د شراکت تعریف او ډولونه
 شرکة العقود یا تړوني شراکت
په شرکت العنان کي تصرفات
 
 
ماخذ: فقه المبتدي، دریم ټوک- معاملات
 
تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته