تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
لږ او ډېر خوراک کول
 
  April 11, 2013
  0
رالېږونکی: نذیر احمد

په کتاب الطب کي ابونعیم لیکلي دي چي رسول الله صلی الله علیه وسلم فرمایلي دي: الله تعالی جل جلاله د انسان تر نس لوی لوښی نه دی پیدا کړی، انسان ته پکار ده چي کله خوراک کوي نو د نس درې برخي دي په داسي ډول ووېشي: د نس یوه برخه د خوراک لپاره، یوه برخه د اوبو لپاره او یوه برخه د ساه اخیستلو لپاره.

فائده: ددغه حدیث شریف څخه څرګنده سوه که د یو چا خوراک د درې پاوه په اندازه وي نو هغه دي یو پاو وخوري، ددې لپاره چي روغتیا تر لاسه سي او حقیقت هم دا دی چي د لږ خوراک ډېري ګټي دي د کومو څخه چي یو څو په لاندي ډول دي:

۱- روغتیا تر لاسه کیږي.
۲- حافظه او عقل تېزیږي.
۳- د ضرورت څخه زیات خوب نه راځي.
۴- ساه په آساني سره خیژي.
۵- په لمانځه کي سستي او خوب نه راځي.
۶- د معدې خرابي او نورو ناروغیو څخه خوندي کیږي.

د زیات خوراک کولو تاوانونه

د یو حدیث شریف مفهوم دی چي ابن آدم تر خپل نس بل بد لوښی نه ډکوي یعني دا یو بد لوښی دی. د زیات خوراک څخه ډېر تاوانونه رامنځته کیږي لکه:

۱- د بدهضمۍ شکایت رامنځته کیږي.
۲- په عبادت کي خوند کمیږي.
۳- اولاد ټمبل او کم ذهنه پیدا کیږي.
۴- د الله تعالی جل جلاله د لوري د حکمت د خبرو څخه انسان محروم کیږي.
۵- په مطالعه او لوستلو کي زړه پر یوه حال نه وي یعني فکر یې ګډوډ وي.
۶- په داسي انسان کي شفقت نه وي.
۷- انسان په ډېرو خوراک آخر حلال او حرام نه ګوري.

سرته