تازه سرليکونه
د (فتوا بېلابېل مسائل) نورې ليکنې
تازه سرليکونه
بېلابېلې ليکنې
فتوا: دنیوي سزا په حد که په توبه معافیږي
 
  January 6, 2013
  0

 تعلیم الاسلام دارالافتاء 


مسلسله شمېره : (۲۲۶)

نوم: محمد 

سوال : که کوم څوک د کبيره ګنا مرتکب سي يوازي په توبه سره دى خلاصېداى سي او که حدود ورباندي جاري کيږي ؟
 
جواب: هغه ګناه چي شريعت دنيوي سزا (حد) او اخروي عذاب ورته معلوم کړي وي، په توبه سره دهغې ګناه دنيوي سزا (حد) نه معافیږي.
 
په فتح القدیر کي راځي: که د انسان څخه يوه ګناه وسي او دهغې ګناه دپاره شريعت دنيوي سزا او اخروي عذاب وضع کړى وي او هغه انسان بيا توبه وباسي نو په توبه سره د هغه انسان څخه اخروي عذاب ساقطيږي او دنيوي سزا دهغه انسان څخه نه ساقطيږي.(١)

او په درمختار کي ليکی چي اجماع  د امت دا فيصله کړې ده چي د ګناهګار څخه دنيوي سزا نه ساقطيږي د توبې د ايستلو وروسته به هم په شرعي سزا محکوم کیږي .(٢)

مګر د غلا حد داسی دی چي که مخکي تر نیولو دی توبه وکاږي نو حد یې ساقط سو ځکه په ایت شریف کي داسي راځي: إِلَّا الَّذِينَ تَابُوا مِنْ قَبْلِ أَنْ تَقْدِرُوا عَلَيْهِمْ فَاعْلَمُوا أَنَّ اللَّهَ غَفُورٌ رَحِيمٌ. (۴).

جواب : مولوي خير محمد  
الجواب صحيح :مولوي عبدالهادي آغا او مولوي سيد عبدالباري
تعليم الاسلام دارالافتاء 
کندهار افغانستان

ــــــــــــــــــــــــــــــــــــــــــــــــــــــــــــــ
(۱): فَأَخْبَرَ أَنَّ جَزَاءَ فِعْلِهِمْ عُقُوبَةٌ دُنْيَوِيَّةٌ وَعُقُوبَةٌ أُخْرَوِيَّةٌ ، إلَّا مَنْ تَابَ فَإِنَّهَا حِينَئِذٍ تَسْقُطُ عَنْهُ الْعُقُوبَةُ الْأُخْرَوِيَّةُ بِالْإِجْمَاعِ لِلْإِجْمَاعِ عَلَى أَنَّ التَّوْبَةَ لَا تُسْقِطُ الْحَدَّ فِي الدُّنْيَا. فتح القدیر، ج۵، ص۲۱۱ مصطفي الباني الحلبي 
 
(٢): وأجمعوا أنها لا تسقط الحد في الدنيا. الدرالمختار،ج٤، ص٥٤، کتاب الحدود، سعید 
 
(۳): فتاوی محمودية ،ج١ ،ص٦٦٣ ، ما يتعلق بالجزاء والعقوبة
 
(۴): معارف القران، ج۳، ص۱۱۸- سورة المائدة.
 

سرته