تازه سرليکونه
د (فتوا لمونځ) نورې ليکنې
تازه سرليکونه
بېلابېلې ليکنې
فتوا: ډوبۍ کي وتر ۲ او ۱ رکعت جلا کيږي
 
  August 3, 2012
  0

تعليم الاسلام دارالافتاء

مسلسله شمېره : (  ۱۸۸)

نوم:   سيد علي احمد

سوال : په ماخستن لمانځه کي د تراویحو څخه وروسته  وتر په ډوبۍ کي ۲ رکعته جلا کوي او یو رکعت جلا کوي خو په اخر یو رکعت کي دعا هم کوي، که زه دغه درې رکعته جلا وکم او دعا په ناستي د ملا صاحب سره وکم پروا خو به نه لري ؟

جواب : حنفي مذهب والا دي په داسي امام پسي اقتدا نه کوي ، چي هغه پر دوه رکعته  سلام ګرځوي او بيا يو رکعت کوي ، بلکي که نور حنفي مذهب والا  دلته وي ، ځان ته دي وتر په جماعت سره اداء کړي  او که نه وي نو بيا دي يې يوازي وکړي . ( خير الفتاوى : ج،٢: ص،٥١٨ ) 

عَنْ عَائِشَةَ ، قَالَتْ : كَانَ رَسُولُ اللهِ صَلَّى اللَّهُ عَلَيْهِ وَسَلَّمَ يُوتِرُ بِثَلاَثٍ لاَ يُسَلِّمُ إِلاَّ فِي آخِرِهِنَّ . ( المستدرک کتاب الوتر : ٣٠٤ ، بېرت ) 

بي بي عائشه رضى الله عنها وا يي ، چي رسول الله صلى الله عليه وسلم به وتر درې رکعته کول او سلام به يې نه ګرځوئ ، مګر په اخرکي . 

او د دغه حديث په ډول د حضرت عمر رضى الله عنه څخه هم روايت سوئ دئ : شرح المعاني الاثار باب الوتر : ٢٠٢ . 

او بل روايت د ابى بن کعب رضى الله عنه دئ : ان النبي صلى الله عليه وسلم کان يقرأ في الركعة الأولى من الوتر بفاتحة الکتاب وسبح اسم ربك الأعلى وفي الثانية قل يا أيها الكافرون وفي الثالثة قل هو الله أحد . ( الحديث سنن النسائي کتاب قيام الليل وتطوع النهار : ٢٤٩ ) 

جواب: مولوي عبدالهادي اغا 
تعلیم الاسلام دارالافتاء
کندهار افغانستان
 

سرته