تازه سرليکونه
د (نکاح) نورې ليکنې
تازه سرليکونه
بېلابېلې ليکنې
د ښځو ډلي- مُحَرَّمَاتُ
 
  December 24, 2011
  0

د ښځو ډلي

د نكاح په مسئله كي ښځي پر درو ډلو وېشل كيږي يوه ډله هغه ښځي دي چي د هغو سره د سړي نكاح صحيح كيږي .
دوهمه ډله هغه ښځي دي چي د هغوى سره د يو وجهي او سبب لكبله د موقت وخت د پاره نكاح نه صحيح كيږي ، خو كه هغه وجه او سبب ليري سي چي د هغه په سبب نكاح نه صحيح كېدله بيا د هغي سره نكاح تړل كېدلاى سي .
دريمه ډله هغه ښځي دي چي په ټول عمر كي د هغوى سره نكاح نه صحيح كيږي ، دغو ښځو ته مُحَرَّمَاتُ وايي .

مُحَرَّمَاتُ
د سړي مُحَرَّمَاتُ هغو ښځو ته وايي چي هيڅ كله يي  د هغو سره نكاح نه صحيح كيږي .
مُحَرَّمَاتُ پر درې ډوله دي :
نَسَبِي مُحَرَّمَاتُ ، رضاعي مُحَرَّمَاتُ او صِهْرِي مُحَرَّمَاتُ
د سړي نَسَبِي مُحَرَّمَاتُ هغو ښځو ته وايي چي د نسب لكبله داسي خپلوي ورسره ولري چي هيڅ كله يې تر منځ نكاح نه صحيح كيږي لكه لور ، خور او مور .
صِهْرِي مُحَرَّمَاتُ بيا وهغو ښځو ته وايي چي د نكاح د خپلوۍ لكبله يي هيڅ كله د هغو سره نكاح نه صحيح كيږي لكه مږور او خواښې .
رضاعي مُحَرَّمَاتُ هغو ښځو ته وايي چي د شيدو  رودلو لكبله هيڅ كله د هغوى سره نكاح نسي تړل كېدلاى لكه رضاعي مور او رضاعي خور .

ماخذ: فقه المبتدي، دريم ټوک، نکاح

سرته