تازه سرليکونه
د (اسلامي تاريخ) نورې ليکنې
تازه سرليکونه
بېلابېلې ليکنې
اسلام په تونس کي
  تعلیم الاسلام ویب پاڼه
  January 10, 2019
  0

لیکنه: علي الله متوکل الرحمن / تعلیم الاسلام ویب پاڼه


تونس یو اسلامي هیواد دی، ۹۹ سلنه وګړي ئې مسلمانان او د مالکي مذهب پیروان دي.


تونس هغه هیواد دی چي زیات غیرمسلمان د سیاحت په مهال پکښي مسلمانان کیږي چي ښه بیلګه ئې په ۲۰۱۵ میلادي کال کي ام الشیخه سټاسي انام ده چي د تونس د یوه ځوان سره تر لیدلو او کتلو وروسته ئې اسلام ومنی، او همداسي  ایریک هنسل هغه شخص دی چي د تجارت لپاره و تونس ته تللی وواو هلته مسلمان سو، دده په وینا: ( د تونس خلک مي ښه وموندل او اسلام مي قبول کړ) او اوس ځکه په تونس کي ژوند کوي ترڅو اسلام زده کړي.


پردې سربیره چي تونس اسلامي هیواد دی خو د تونس حکومت سیکولر دی او کړني ئې د اسلام څخه لیري دي، چي خلک ورڅخه تر پوزي راغلي، د اسلام سره په ښکاره دښمني کیږي او پر اسلامي کړنو بندیز لګول کیږي، دا ټول ددې لپاره ترڅو د غرب ملاتړ د لاسه ور نه کړي.


د تونس په تفریحي ښار سوسه کي چي بریدونه وسول او ۳۹ تنه سیلانیان پکښي مړه سوه نو د دوی ولسمشر الباجي قائد سبسي وویل، چي د بریدونو د مخنیوي لپاره به اړین اقدامات وکړي. نو د اقداماتو پایله دا سول چي لومړي وزیر الحبیب الصید وویل: د تونس حکومت دا فیصله وکړه چي ددې پیښي په غبرګون کي به ۸۰ مسجدونه تړل کیږي. 


په تونس کي تر انقلاب وړاندي د عابدین د حکومت په مهال هم زیات شمېر جوماتونه تړل سوي او د اسلام په شعائرو بندیزونه لګول سوي وو. د تونس اوسنی حکومت اوس په پوره زور او توان سره په قصدي ډول دا کوښښ کوي چي اسلامي احکام تر پښو لاندي کړي او سیکولریزم ته وده ورکړي.

 

سرته