تازه سرليکونه
زموږ او د اسلافو حال
  تعلیم الاسلام ویب پاڼه
  July 7, 2018
  0

قاسم  "اميري" / تعلیم الاسلام ویب پاڼه


امام بخاري رحمة الله علیه فرمایي: له کومې ورځي چي بلوغ ته رسېدلی یم، د هيچا غیبت مي نه دی کړی.


امام شافعي رحمة الله علیه فرمایي: تر اوسه مي نه په رښتیا او نه په درواغو د الله تعالی په نوم قسم کړی دی.


حاتم الأصم رحمة الله علیه فرمایي: کله چي پر لمانځه درېږم، مخامخ مي کعبه، راسته لوري ته مي جنت، کیڼ لوري ته مي دوزخ او شاته مي د مرګ پرښته تصور کوم. خپل موقعیت د پل صراط پر سر وینم او داسي انګېرم، چي کېدای سي دا مي وروستی لمونځ وي.


د عمر بن عبدالعزیز رحمة الله علیه مېرمن وایي: هېڅوک مي ونه لیدل، چي د عمر بن عبدالعزیز رحمة الله علیه په څېر د جزاء له ورځي وبیریږي او په لمانځه کي دونه وژاړي. 


عمر رحمة الله علیه کله -کله په لمانځه کي دونه  ژاړي، چي بېسده سي او فکر کوم چي کېدای سي ساه ئې وتلې وي.


ابو سلیمان داراني رحمة الله علیه فرمایي: هره ورځ چي په هينداره کي خپل مخ وینم، بېره لرم، چي مخ مي د ګناهونو په خاطر تور سوی نه وي.

 

ماخذ: تعلیم الاسلام مجله: ۲۳ ګڼه

سرته