تازه سرليکونه
د (ستاسو ليکني) نورې ليکنې
تازه سرليکونه
بېلابېلې ليکنې
پنځه قیمتي شیان !!!
 
  August 10, 2014
  0

پنځه قیمتي شیان !!!

ژباړه: نوید احمد

حضرت ابوهریره رضی الله عنه فرمايې: که څوک دغه پنځه شیان ولري نو د نورو پنځو شیانو څخه به محروم نه سي :

(١) شکر: هر هغه څوک چي شکر کوي نو د نعمتونو د ډېرېدو څخه به محروم نه سي :
لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ.
ژباړه: که چیري تاسي (زما په نعمتونو او احسانونو) شکر وباسی نو قسم دی چي خامخا به تاسي ته نعمت زیات کړم. (سورت ابراهیم الاية ۷)

 (٢) صبر: هغه چاته چي د صبر کولو توان ورکول سي نو د ډېر زیات ثواب څخه به محروم نه سي:
 إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ. 
 ژباړه: بېشکه صابرانو ته به د دوی اجر پوره ورکول سي بې حسابه. (سورت زمر الاية  ۱۰)

 (٣) توبه: هغه څوک چي توبه وکړي نو د قبلېدو څخه به محروم نه سي:
 وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ.
ژباړه: او الله هغه (مهربان ذات) دی چي د خپلو بندګانو توبه قبلوي او د ( پښېمانۍ وروسته) د دوی د بدو کارونو بخښنه کوي او هر هغه کار ور معلوم دی چي تاسي یې کوی. (سورت شوری الاية ۲۵)

(۴) بخښنه: هغه څوک چي د الله جل جلاله څخه بخښنه وغواړي نو د بخښولو څخه به محروم نه سي :
 ...إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ
ژباړه : بېشکه الله د ټولو ګناهونو بخښنه کوي ، په رښتیا سره الله ښه بخښونکی او ښه رحم کونکی دی . (سورت زمر الاية ۵۳)

 (٥) دعاء : هغه څوک چي دعا وکړي  د قبلېدو څخه به يې محروم نه سي :
وَقَالَ رَبُّكُمُ ادْعُونِي أَسْتَجِبْ لَكُمْ.  
 ژباړه : او ستا رب فرمایې (ای زما بندګانو!) ما وبولئ (دعا وغواړئ) زه ستاسي دعا قبلوم. (سورت غافر الاية ۶۰)

یوه بل شخص شپږم شی هم اضافه کړی دئ ، هغه دا چي څوک د الله جل جلاله په لاره کي مال مصرف کړي نو د ثوابونو څخه به محروم نه سي :
 وَمَا أَنفَقْتُم مِّن شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ .
ژباړه: او هر هغه څه چي تاسي يې (د الله په لاره کي) مصرفوی نو هغه (الله) د هغه عوض درکوي او هم دغه (الله) تر ټولو غوره روزي ورکونکی دی
اخیستنه: د امام ابو لیث سمرقندي مشهور کتاب، تنبیه الغافلین

تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته