تازه سرليکونه
د (نکاح) نورې ليکنې
تازه سرليکونه
بېلابېلې ليکنې
حضانت- نارینه پالونکي
 
  December 13, 2014
  0
 که کوچنى ښځينه پالونکي و نه لري يعني په ښځينه خپلوانو کي داسي څوک و نه لري چي د حضانت استحقاق ولري لکه مور ، انا ګاني ، خوېندي ، خاله ګاني او عمه ګاني ، بيا يې عصبه يعني د پلار لخوا نَسَبِي نارينه خپلوان د ميراث پر ترتيب يو په بل پسې د حضانت حق لري .

په عصبه وو يعني په نارينه پالونکو کي يې د ميراث په ترتيب لومړى پلار د حضانت حق لري .

د پلار وروسته نيکه يعني د پلار پلار د حضانت حق لري ، د نيکه وروسته سکنى ورور ، تر هغه وروسته ناسکه ورور او بيا ورېرونه بيا اکاګان او بيا د اکا زامن د حضانت حق لري .

که څو کسان د حضانت په حق کي يو ځاى سي ، د بېلګي په ډول د حضانت حق يې خور ته ورسيږي او څو خوندي ولري ، نو په دوى کي چي تر ټولو متقي او پرهېزګاره وي هغې ته ماشوم سپارل کيږي که په تقوا کي برابري وې نو بيا يې مشره د حضانت د پاره غوره ګڼل کيږي . 

د يادوني وړ ده چي په خپلوانو کي فاسق او باوله د حضانت حق نلري ، دغه ډول د اکا زوى د داسي نجلۍ د حضانت حق نه لري چي هغې ته د نارينه وو جنسي ليوالتيا پيدا کيږي .

که ماشوم عصبه هم نه درلودل يعني د پلار لخوا نَسَبِي نارينه خپلوان يې هم نه درلودل ، بيا يې د حضانت حق د ذوي الارحام يعني د مور لخوا د نَسَبِي نارينه خپلوانو دى ، په مورني نارينه خپلوانو کي اول ماما بيا د ماما زوى بيا د مور اکا بيا د مور ماما د حضانت وړ او مستحق ګڼل کيږي .


ماخذ: فقه المبتدي، دوهم ټوک- نکاح
مؤلف: مولوي محمد عمر خطابي
 
تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته