د (شعر او ادب) نورې ليکنې
تازه سرليکونه
بېلابېلې ليکنې
د عشق خواږه لفظونه د پښتو په ژبه ژباړم
د عشق خواږه لفظونه د پښتو په ژبه ژباړم
جبیر احمد مشهود/ تعلیم الاسلام ویب پاڼه
د عشق خواږه لفظونه د پښتو په ژبه ژباړم
مجنون یمه هر درد د پرهارو په ژبه ژباړم
منصور د زمانې یمه له داره مي ډار نه سي
رازونه مي د وخت د زولنو په ژبه ژباړم
اورونه مي په سرو وینو ساړه کړله له خونده
وِصال ته زندګي د سرو لمبو په ژبه ژباړم
د تور ماښام په غیږه تنها وَ خپل خالِق ته
دعاوي او زارۍ مي د سلګو په ژبه ژباړم
د وخت د هر یرغل او هر نمرود پر ضد قیام کي
کلک عزم او تکل د زمانو په ژبه ژباړم
چې نه اخلي د عقل څخه کار، په غرور سر وي
نړۍ ته بیا هرڅه د حماسو په ژبه ژباړم
مشهود ملنګ مي بولي ټول یاران په همدې وجه
خواږه د زندګۍ مي د ترخو په ژبه ژباړم
www.taleemulislam.net
ورته ليکنې:
تبصره
